Unki aankhon mein...

Doobe hai hum deewane unki kaali aankhon mein
Zinda hai yeh dil, khoke unke khayaalon mein

Dilbar ke adaaon mein yeh dil madhosh hai
Lekin zaalim ko itna kadr nahi kyon deewana khamosh hai

Dil samundar

Dil samundar mein khwaabon ki kashti mein nikal pade hai
Manzil ka pata bhi nahi hai ,phir bhi hum chal pade hai

Rab kare is mein kahi toofan na ho jaaye
Dard bhare is dil kahi khud mein na doob jaaye

Bas ek tamanna

Hum unke saamne hoke bhi ek lafz na keh sake
Paas hoke bhi itni doori, ab yeh hum na seh sake

Bas yeh ek tamanna hai ki unko kabhi gham na ho
E khuda zindagi mein unki, pyaar kabhi kam na ho